Sangraha

ಭಾವಗಳು...
ಅಗೊಮ್ಮೆ ಈಗೊಮ್ಮೆ
ಹೋಗುತ್ತಿದ್ದ ಭಾವಗಳೇಕೋ
ಮುನಿಸಿಕೊಂಡಂತಿವೆ.

ಇಲ್ಲವೆಂತಿಲ್ಲ, ಬರದೇ ಇರದಂತಿಲ್ಲ !
ಹೇಳಿಯೇ.... ಬರುತ್ತವೆ.
ಬಂದು ಕೂರುವ ಮುನ್ನವೇ
ತಮ್ಮೊಳಗೆ ನಾಲ್ಕು ಮಾತನಾಡಿ
ನನಗೊಂದು ಮಾತ ಹೇಳದೆ
ನಿರ್ಗಮಿಸುತ್ತವೆ.

ಬಿತ್ತುವ ಮುನ್ನ ಉಳುವ ನೆಲವನೋಡುವಂತೆ..
ನನ್ನೆದೆ ಹೊಲವನ್ನೊಮ್ಮೆ ಹೊಕ್ಕು
ಬರಡೆಂದೋ ?,ಫಸಲು ಕಾಣದೆಂದೋ ?
ಹಸನಾದ ನೆಲವನರಸಿ ಹೊರಟಂತಿವೆ.

2} ಒಂದು ಕವನ
ನಿನ್ನ ನೆನಪೇ ..
ಉಸಿರೆಂದು,
ಹಸಿರೆಂದು,
ಹಸಿ,ಹುಸಿಯೇ!
ಗುನು-ಗುನಿಸಿ..
ಜಾರಿದೆರಿ ನಿದಿರೆಯ
ಮಡಿಲಿಗೆ.
ಕನಸಿನಲ್ಲೊಂದುರೂಪ..,
ನಿನ್ನದೇ ಪ್ರತಿ-ರೂಪ.
ಕದ್ದು ಕುಳಿತಿಹುದೋಎಲ್ಲ ಚೆಲುವು..?
ನನ್ನಾಕೆ ಮೊಗವಹೊದ್ದು ತೋರುವುದೋ?
ಸೊಬಗು.
ಕನ-ವರಿಸಿ..,
ಹಿತದೇ ಕಂಪಿಸಿದೆ.

3} ನಾನು
ತಂಪು ಗಾಳಿ,
ಮಬ್ಬುಗತ್ತಲು,
ಮೌನ ನನ್ನ ಅಪ್ಪಿರಲುಪಿಸುಗುಟ್ಟಿತು...
ನೀ ಯಾರು? ಏನಿಲ್ಲಿ ?
ಹುಡುಕಿದೆವು ಜೊತೆಯಾಗಿಬರೆದ ಕತೆ,
ಕವನಗಳಲಿಅಳಿದುಳಿದ ಹಸಿರು ನೋಟುಗಳಲಿ
ಹುಟ್ಟಿ ಬೆಳೆದ ಊರುಗಳಲಿ.
ಬಂಧು-ಬಳಗ,
ಹಿರಿಕಿರಿಯರೆಲ್ಲರದೂಅದೇ ಉತ್ತರ..
ನನ್ನ ನಾಮ.
ನಾಮ ಮತ್ತೊಂದಿರೆಇನ್ನೊಬ್ಬನೇ..?
ಈ ಓದು, ಕೆಲಸವಿರದೆಮತ್ತೊಂದು ವೇಷ.ಗುಣ-ಅವಗುಣ,
ರೂಪಈ ಕ್ಷಣದ ಸತ್ಯ.
ಇರದು, ಇರಲಾರದು.ಇದು ನಾನಾಗಿರಲಾರೆ..!!

4} ದಿಕ್ಕು
ದಾರಿ ಅರಸಿನಿಂತೆ.ನೋಡುತ.....,
ನಾಲ್ಕು ದಿಕ್ಕಿಗೊಂದುಹೆಸರ ದಿಕ್-ಸೂಚಿ.
ಅರಿಯದಾದೆ??ಬಂದದ್ದು ..
ಹೋಗಬೇಕಾದದ್ದು.
ನಿಮಿಷಗಳು ಉರುಳೆ,
(ಹಿಂದಿನಿಂದ ಸದ್ದು)"ಪೀಂ..ಪೀಂ,ಪೀಂ...
"ಕೈಯ ಎತ್ತಿ, ತಲೆಯ ತೂರಿಕೂಗಿತೊಂದು ದನಿ"
ರೀ..!!?, ಹೊರಡ್ರೀ"...
ಬೆಚ್ಚುತ ಹೊರಟೆ.ದಿಕ್ಕೊಂದು ಲೆಕ್ಕವೇ ?
ದಾರಿ ಇರದೆ.

5} ನಕ್ಕುಬಿಡು ....
ನಕ್ಕುಬಿಡು ಸುಮ್ಮನೆಕೂರದೆ ಗುಮ್ಮನೆ.
ನಿಜವಂತೆ... !
ಸ್ನೇಹ, ಪ್ರೀತಿ, ಸಂಬಂಧಇದ್ದ ದಿನಗಳಷ್ಟೇನೋವು, ನಲಿವು.
ಇಲ್ಲದಿರುವುದಕ್ಕೆಇನ್ನಾವ ವ್ಯಥೆಯು ?
ಕಂಡುದುಂಟುಮತ್ತೊಂದು ಕಾರಣ,
ಅಶ್ರುಬಿಂದುನೆಲವನಪ್ಪುವ ಮುನ್ನ.
ನಿನ್ನದೆಂಬುದಾದರುಇದ್ದದ್ದೇನು ?
ಕಳೆದುಕೊಂಡೆನೆನಲುಪಡೆದದ್ದಾದರೇನು ?
ಮರುಗದಿರು..ಮರುಳಾಗುವೆ !
ಮರುಳನಂತೆ ನಕ್ಕುಬಿಡು...
ಹಗುರಾಗುವೆ